En partenariat dab lo setmanèr occitan La Setmana, Lo Congrès que’vs prepausa ua navèra aplicacion suu son site Internet : Punt de lenga.

Que s’ageish d’ua navèra version numerica de la plan coneguda rubrica deu setmanèr en lenga occitana on caberàn tant articles déjà publicats com articles a viéner (dont Lo Congrès aurà d’ara enlà la carga de la direccion scientifica e la redaccion). L’aplicacion que permet d’archivar los articles, qui los utilizators e pòden consultar mercés a mots-claus, e qu’a tanben un module a la pagina d’arcuelh deu site deu Congrès, tau com l’express’Òc.

Punt de lenga que balha elements de lenga occitana dab ua illustracion e explics bracs. Los articles, redigits per Andrieu Bianchi, Maurici Romieu e Joan Pèire Tardiu, qu’esclareishen divèrs aspèctes de l’occitan (gramatica, ortografia, fonia, etc.) : quin acordar los vèrbes après un nom de sens collectiu, d’on vienen los sufixes verbaus « iss » / « eish » deus vèrbes en -ir, quin formar abreviacions o balhar ordis, quan emplegar lo present compausat o lo preterit, quin formar aumentatius o diminutius, etc.

Accedir au Punt de lenga