Crestian Josuèr que convida Patrick Vaillant tà un encontre trans-occitan. Arron las composicions deu prumèr, lo segond que teish un ambient de hèstas, aulors de montanha e de garriga, de l'Atlantic a la Mediterranèa.

Lo CFPÒC Aquitània e l'InÒc Aquitània que'vs presentan « Las hèitas de Kévin », ua seguida de tres videos dab un episòdi a descobrir tota setmana. 

Jordi Suïls qu'a revirat en catalan lo roman de Sèrgi Javaloyès L'òra de partir. Que'u podetz trobar a Pagès Editors.

Dab Medin'Aqui, la Companhia Guillaume Lopez que vs’embarca tà un viatge enter Tolosa e Tlemcen, de suspresas en emocions, de l'estrànsia a las estrementidas.

IÈO Edicions que vien de publicar Limitas, un recuelh de novèlas de Bernat Bergé, Joan Bodon e Joan Claudi Sèrras, illustradas per Bernat Cauhapé.

La calandreta de Pau qu'a realizat un DVD de Un còp èra… Jan, John and Jazz, lo son espectacle sus la Grana guèrra qui mescla musica tradicionau e jazz.

Lo CIRDÒC que realiza videoguidas tà har descobrir totas las riquessas deu patrimòni occitan dens vidèos cortas e animadas. 

« Suivez Minvielle If you can » que sortí lo 3 de març. Aqueth doble CD qu'ei ua sòrta de retrospectiva deu projècte « Suivez l'accent » iniciat per André Minvielle e Claude Nougaro 10 ans a. La soa tòca qu’ei de collectar e har conéisher los accents e las variantas de Seta a Bordèu, mas tanben de totas las lengas deu monde.

Eric Fraj que hè paréisher un àlbum titolat Pep el Mal, qui correspon a l'espectacle deu medish nom. Que s’ageish d’ua creacion vocau e musicau qui conta, en cançons, l'istoèra de José Fraj, lo pairbon d'Eric.

Las Amistats Max Roqueta que vienen de sortir un CD on Eric Fraj e canta tèxtes deu poèta espanhòu Federico García Lorca. Qu'ei Max Roqueta qui hasó l'arrevirada en occitan.

« Conta'm », l'associacion qui hè doblatge en occitan, que sòrt de har paréisher tres DVD’s. « Gruffalò », « Kerity, l’ostal dels contes » e « Lo jorn de las gralhas », d’ara enlà que's pòden espiar en lenga nosta.

Los escolans deu collègi Calandreta Leon Còrdas que hèn paréisher un CD titolat Ieu soi. Que i podetz enténer occitan, francés e drin d'anglés.